Հիմնական կետերը
- Գտնվում է Գյումրիի հին հատվածում
- Ստեղծվել է Միքայել և Շուշանիկ Վարդպարոնյանների կողմից
- Ինչ-որ բան պատրաստելու կամ ստեղծագործելու համար հատուկ հմտություններ պետք չեն
- Տարածքը լցված է ձեռքի աշխատանքներով ու մանր դետալներով
- Հարմար է հանգիստ ժամանակ անցկացնելու և արվեստին ծանեթանալու համար
- Մարդիկ թողնում են իրենց անունները պատի վրա՝ որպես հիշողություն
Մոտակա ռեստորաններն ու սրճարանները
Ֆլորենս Գյումրի
Գյումրու պատմական «Կումայրի» արգելոցի սրտում գտնվող «Florence»-ը քաղաքի ամենանշանավոր գաստրոնոմիական վայրերից է, որտեղ վերասահմանվում են շքեղությունն ու մշակութային ժառանգությունը: Այն մշակութային կանգառ է, որտեղ հյուրերը կարող են զգալ Գյումրու իսկական ոգին բարձրակարգ միջավայրում: Լինի դա հանդիսավոր միջոցառում, ընտանեկան տոնակատարություն, թե ընթրիք մտերիմ միջավայրում։ Ֆլորենսն ապահովում է անմոռանալի փորձառություն և բարձրակարգ սպասարկում յուրաքանչյուր հյուրի համար:
YOKO Asian Loft & Kitchen
YOKO Asian Loft & Kitchen-ը Գյումրիում գործող ժամանակակից ասիական ռեստորան է, որտեղ կարող եք վայելել թարմ պատրաստվող սուշի, ռամեն, վոկ, հեղինակային ուտեստներ և այլ ասիական համեղ ուտեստներ։ Ոճային ինտերիերը, բարձրորակ բաղադրիչները և հոգատար սպասարկումը YOKO-ն դարձնում են իդեալական վայր ինչպես ընկերական հանդիպումների, այնպես էլ ընտանեկան ընթրիքների և հատուկ առիթների համար։
Մոտակա վայրերը
Օժիտի Շենք
«Օժիտի շենքը» կառուցվել է 1890-ականներին քաղաքի հայտնի մեծահարուստ և բարերար Լևոն Դրամփյանի կողմից՝ որպես օժիտ (հարսանեկան կարաս) իր դստեր՝ Ջավահիր խանումի համար: Շենքը շքեղ էր՝ հարուստ ինտերիերով, և դարձավ հարսանիքի խորհրդանիշ: Չնայած փառավոր անցյալին այժմ շենքը վատ վիճակում է՝ փլվում է, պահանջում է վերանորոգում և պահպանություն: Այն Գյումրու պատմական կենտրոնի կարևոր մասն է և հաճախ նշվում է որպես քաղաքի ճարտարապետական գոհար:
Գյումրու Կենտրոնական զբոսայգի
Գյումրու կենտրոնական զբոսայգին, որը հաճախ հայտնի է նաև որպես Գորկու անվան զբոսայգի, գտնվում է քաղաքի կենտրոնական հատվածում՝ Գայի փողոցի սկզբնամասում։ Սա ընդարձակ և կանաչ տարածք է, որը համատեղում է հանգիստը, ժամանցը և մշակութային միջավայրը։ Զբոսայգին առանձնանում է իր ծառաշատ տարածքով, խաղահրապարակներով և բազմաթիվ արձաններով ու հուշարձաններով։ Այստեղ է գտնվում նաև հունական ոճով կառուցված սպիտակ կամարապատ հուշարձանը, որտեղից բացվում է գեղեցիկ տեսարան դեպի Սև բերդ և Մայր Հայաստան հուշահամալիր։ Այգու տարածքում է գտնվում նաև նախկին թատրոնի շենքը, որտեղ 1912 թվականին առաջին անգամ բեմադրվել է «Անուշ» օպերան՝ ազդարարելով հայկական օպերային թատրոնի սկիզբը։ Զբոսայգին նաև հայտնի է նրանով, որ այստեղ են նկարահանվել «Մեր մանկության տանգո» ֆիլմի հայտնի տեսարանները, որոնք մինչ օրս հիշվում և սիրով վերարտադրվում են այցելուների կողմից։ Զբոսայգին հաճախ անվանում են «Գորկու այգի», սակայն այս անվանումը սկզբում կապ չի ունեցել գրողի հետ։ Այն առաջացել է «горка» (բլրակ) բառից, քանի որ այգին կառուցված է բլրակների վրա, իսկ հետագայում միայն կապվել է Մաքսիմ Գորկու անվան հետ։
Leo Art Studio
Գյումրու ամենահայտնի կերամիկայի և արվեստի ստուդիաներից մեկն է կենտրոնացած կերամիկայի, ձեռագործ իրերի և տեղական արվեստագետների աշխատանքների վրա: Սա ոչ միայն արվեստանոց է, այլև ցուցասրահ, որտեղ կարող ես գնել ձեռագործ ամաններ, վազեր, արձանիկներ, ինչպես նաև տեսնել ստեղծագործական գործընթացը: Ստուդիան միավորում է գյումրեցի արվեստագետներին մեկ վայրում և հաճախ համագործակցում է այլ քրաֆթ արվեստագետների հետ (օրինակ՝ Mia Kaus-ի ձեռագործ գորտերով):
Գյումրիի «Լյուքս» վարսավիրանոց
Գյումրիի «Լյուքս» վարսավիրանոցը համարվում է քաղաքի ամենահայտնի և հին վարսավիրանոցներից մեկը՝ հաճախ ներկայացվելով նաև որպես առաջիններից մեկը։ Այն հիմնադրվել է 1941 թվականին և մինչ օրս պահպանել է իր յուրահատուկ մթնոլորտը։ Տարիների ընթացքում վարսավիրանոցը ծառայել է ոչ միայն որպես ծառայության վայր, այլ նաև որպես հանդիպումների և շփման տարածք, որտեղ մարդիկ հավաքվում էին, զրուցում և հետևում քաղաքի նորություններին։ Այն դարձել է Գյումրիի քաղաքային կյանքի կարևոր մասնիկ՝ պահպանելով հին վարսավիրական մշակույթի ավանդույթները։ «Լյուքս» վարսավիրանոցը առանձնանում է իր ռետրո ինտերիերով, որտեղ պահպանվել են հին վարսավիրական աթոռները, հայելիներն ու գործիքները։ Այս ամենը ստեղծում է յուրահատուկ միջավայր, որը այցելուներին տեղափոխում է անցյալ՝ զգացնելով 20-րդ դարի Գյումրիի մթնոլորտը։ Այսօր այն հետաքրքիր կանգառ է ինչպես տեղացիների, այնպես էլ զբոսաշրջիկների համար՝ ներկայացնելով քաղաքի կենցաղային մշակույթի յուրահատուկ դրվագներից մեկը։
