Հիմնական կետերը
- Կառուցվել է 1858–1876 թվականներին՝ Անիի մայր տաճարի ճարտարապետական նմանությամբ։
- Եկեղեցին ունի մոտ 48 մետր բարձրություն և տեսանելի է քաղաքի տարբեր հատվածներից։
- 1988 թվականի երկրաշարժի ժամանակ եկեղեցին մասամբ փլուզվել էր և երկար տարիներ վերականգնման փուլում էր։
- Սուրբ Ամենափրկիչը համարվում է Գյումրու ամենաճանաչելի ճարտարապետական խորհրդանիշներից մեկը։
- Վերականգնման և վերաօծման պաշտոնական արարողությունը տեղի է ունեցել 2024 թվականին։
Գիտեի՞ք արդյոք
- Սուրբ Ամենափրկիչ եկեղեցին կառուցվել է այնպես, որ արտաքին տեսքով հիշեցնի Անիի հայտնի մայր տաճարը՝ միջնադարյան հայկական ճարտարապետության գլուխգործոցներից մեկը։
- Մինչև 1988 թվականի երկրաշարժը եկեղեցին որոշ ժամանակ օգտագործվել է որպես ֆիլհարմոնիայի դահլիճ և մշակութային տարածք։
- Եկեղեցին ժամանակին ունեցել է հատուկ մետաղական ինժեներական կառուցվածքներ, որոնք համարվել են առաջադեմ լուծումներ իրենց ժամանակի համար։
- Գյումրեցիները հաճախ Սուրբ Ամենափրկիչը անվանում են քաղաքի «դեմքը» կամ «այցեքարտը»։
- Երկրաշարժից հետո եկեղեցու վերականգնումը տևեց տասնամյակներ և դարձավ Գյումրու վերածննդի խորհրդանիշներից մեկը
Առաջարկվող ռեստորաններ և սրճարաններ
Առաջարկվող հյուրանոցներ
Արաքս Հյուրանոց
Գյումրիում գտնվող Araks Hotel Complex-ն առաջարկում է հարմարավետ ընտանեկան համարներ, որոնք ապահովված են բոլոր ժամանակակից հարմարություններով և ունեն գեղեցիկ տեսարան դեպի քաղաք։ Յուրաքանչյուր համարում կգտնեք առանձին լոգասենյակ՝ ցնցուղով և հիգիենայի անհրաժեշտ պարագաներով, ինչպես նաև հեռուստացույց, զգեստապահարան, հողաթափեր և այլն՝ Ձեր հանգիստը հնարավորինս հաճելի դարձնելու համար։
Մոտակա վայրերը
Վարդան Մամիկոնյանի հուշարձան
Վարդան Մամիկոնյանի հեծյալ արձանը Գյումրու ամենահզոր և ոգեշնչող խորհրդանիշներից մեկն է, որը վեր է խոյանում քաղաքի Վարդանանց հրապարակում։ Քանդակագործ Արտուշ Պապոյանի այս աշխատանքը տեղադրվել է 2008 թվականին և պատկերում է հայոց սպարապետին՝ Ավարայրի ճակատամարտի վճռական պահին։ Հուշարձանն առանձնանում է իր դինամիկայով և ուժով՝ մարմնավորելով հայ ժողովրդի անկոտրում կամքը, հավատքն ու ազատատենչ ոգին։ Այն հանդիսանում է քաղաքի գլխավոր հավաքատեղիներից մեկը, որտեղ միախառնվում են պատմական հիշողությունն ու Գյումրու ժամանակակից կյանքի ռիթմը։
Գյումրիի «Լյուքս» վարսավիրանոց
Գյումրիի «Լյուքս» վարսավիրանոցը համարվում է քաղաքի ամենահայտնի և հին վարսավիրանոցներից մեկը՝ հաճախ ներկայացվելով նաև որպես առաջիններից մեկը։ Այն հիմնադրվել է 1941 թվականին և մինչ օրս պահպանել է իր յուրահատուկ մթնոլորտը։ Տարիների ընթացքում վարսավիրանոցը ծառայել է ոչ միայն որպես ծառայության վայր, այլ նաև որպես հանդիպումների և շփման տարածք, որտեղ մարդիկ հավաքվում էին, զրուցում և հետևում քաղաքի նորություններին։ Այն դարձել է Գյումրիի քաղաքային կյանքի կարևոր մասնիկ՝ պահպանելով հին վարսավիրական մշակույթի ավանդույթները։ «Լյուքս» վարսավիրանոցը առանձնանում է իր ռետրո ինտերիերով, որտեղ պահպանվել են հին վարսավիրական աթոռները, հայելիներն ու գործիքները։ Այս ամենը ստեղծում է յուրահատուկ միջավայր, որը այցելուներին տեղափոխում է անցյալ՝ զգացնելով 20-րդ դարի Գյումրիի մթնոլորտը։ Այսօր այն հետաքրքիր կանգառ է ինչպես տեղացիների, այնպես էլ զբոսաշրջիկների համար՝ ներկայացնելով քաղաքի կենցաղային մշակույթի յուրահատուկ դրվագներից մեկը։
Գյումրվա Ֆայտոն
Գյումրիի ֆայտոնները քաղաքի ամենահին ու ամենակոլորիտային խորհրդանիշներից են։ Երբ դեռ մեքենաները չէին տարածվել, ֆայտոնները այստեղ ծառայել են որպես հիմնական փոխադրամիջոց՝ քաղաքի «տաքսի»՝ ձիերով ու կառքերով։ Այդ ժամանակ ֆայտոնով շրջելը պարզապես տեղից տեղ տեղափոխվել չէր․ դա նաև որոշակի կարգավիճակ էր ցույց տալիս։ Գեղեցիկ ձիով ու կարգին կառքով շրջելը կապված էր հարմարության ու երբեմն նաև հարստության հետ։ Ժամանակի ընթացքում, երբ քաղաքում սկսեցին հայտնվել մեքենաները, ֆայտոնները աստիճանաբար դուրս եկան առօրյա կյանքից, բայց ամբողջությամբ չկորան։ Գյումրիում դեռ պահպանվել են մարդիկ, ովքեր շարունակել են այս ավանդույթը՝ պահելով թե՛ ֆայտոնները, թե՛ դրանց պատրաստման ու վարելու հմտությունները։ Այսօր ֆայտոնները նոր կյանք են ստացել․ դրանք դարձել են քաղաքի այցեքարտերից մեկը։ Քաղաքի կենտրոնում հաճախ կարելի է տեսնել գունավոր, վերականգնված կառքեր, որոնք զբոսաշրջիկներին շրջում են հին փողոցներով՝ ցույց տալով Գյումրին մի փոքր այլ՝ ավելի դանդաղ ու հին ժամանակների շնչով։ Ֆայտոնով զբոսանքը Գյումրիում վերադարձ է դեպի անցյալ․ հնարավորություն՝ զգալու քաղաքի հին ռիթմը, նայել փողոցներին ուրիշ աչքով և մի պահ կորցնել ժամանակակի զգացողությունը։